ბრიტანული უნივერსიტეტის ინგლისურენოვანი საბაკალავრო პროგრამები, მათ შორის „ბიზნესი და მენეჯმენტი“, ვალიდირებულია ბუკინგემის უნივერსიტეტის მიერ, რაც იმას ნიშნავს, რომ ბუკინგემის უნივერსიტეტი სრულად აღიარებს BUG- ის აღნიშნულ ფაკულტეტზე მიღებულ განათლებას. უფრო მეტიც, ბუკინგემის აკადემიური პერსონალი თავად არის ჩართული, როგორც BUG- ის საბაკალავრო საგანმანათლებლო პროგრამების შემუშავებაში, ისე სასწავლო პროცესის მართვასა და სტუდენტების შეფასებაში. საბოლოოდ კი, სტუდენტები ბრიტანული უნივერსიტეტის დიპლომთან ერთად, საერთაშორისო აღიარების მქონე ბუკინგემის დიპლომსაც იღებენ.
“ბიზნესისა და მენეჯმენტის პროგრამა” ამზადებს პროფესიონალებს ფართო თეორიული ცოდნით– ეკონომიკის, ბუღალტერიის, მარკეტინგის, მენეჯმენტისა და ფინანსების სფეროებში. პროგრამა აძლიერებს ისეთ ტრანსფერულ უნარებს, როგორიცაა ანალიტიკური და კრიტიკული აზროვნება, პრობლემების გადაჭრა და გუნდური მუშაობა. პროგრამის დასრულების შემდგომ, სტუდენტს შეეძლება მიიღოს სწრაფი და ეფექტური გადაწყვეტილებები კონკურენტულ ბიზნეს გარემოში; იმუშაოს ეთიკური პრინციპების დაცვით; დამსაქმებელს შესთავაზოს ინოვაციური და უახლესი მიდგომები ან შექმნას საკუთარი ბიზნესი.
“ბიზნესისა და მენეჯმენტის” პროგრამა 240 კრედიტისაგან შედგება, რომელსაც სტუდენტი 4 წლის მანძილზე გადის. სწავლის დასრულების შემდგომ კი, ბიზნესის ადმინისტრირების ბაკალავრის კვალიფიკაცია ენიჭება.
ბრიტანული უნივერსიტეტის “ბიზნესისა და მენეჯმენტის” პროგრამაზე მოხვედრა ხდება ერთიანი ეროვნული გამოცდების შედეგად. აბიტურიენტი აბარებს ქართულსა და ინგლისურს, მესამე საგნად კი მათემატიკას ან ისტორიას.
უცხო ენად ეროვნულ გამოცდებზე აუცილებელია ინგლისურის არჩევა და მასში 50 %-ანი ზღვრის გადალახვა.
BUG- ში მოსახვედრად აბიტურიენტს არ სჭირდება დამატებით ინგლისური ენის სერტიფიკატის აღება.
“ბიზნესისა და მენეჯმენტის” საბაკალავრო პროგრამის გავლის შემდეგ, სტუდენტს აქვს შესაძლებლობა დასაქმდეს როგორც კერძო, ისე საჯარო სექტორში, ანალიტიკურ–კვლევით ორგანიზაციებში, საერთაშორისო და ადგილობრივ კომპანიებში. აღსანიშნავია ისიც, რომ ბრიტანულ უნივერსიტეტში სტუდენტი პრაქტიკაზე დაფუძნებულ ცოდნას იღებს და პირველივე კურსიდან აქვს შესაძლებლობა, სტაჟირება წამყვან ორგანიზაციებში გაიაროს.
BUG – ის სტუდენტებს აქვთ უნიკალური შესაძლებლობა, ბაკალავრიატის საგანმანათლებლო პროგრამა სრულად საქართველოში გაიარონ, თუმცა სურვილის შემთხვევაში, მათ სწავლის გაგრძელება ბუკინგემშიც შეუძლიათ.
თუ სტუდენტი პირველივე კურსიდან მოისურვებს ბუკინგემში გამგზავრებას მას იქ, როგორც ყველა საერთაშორისო სტუდენტს, მოუწევს Foundation პროგრამის გავლა და ბრიტანელებისგან განსხვავებით,
საბაკალავრო პროგრამის 4 წელიწადში დასრულება.
იმ შემთხვევაში თუ, BUG- ის სტუდენტი ბუკინგემში მეორე კურსზე გაემგზავრება, მას
Foundation პროგრამის გავლა აღარ მოუწევს და მესამე კურსის დახურვის შემდგომ მიიღებს ბაკალავრის ხარისხს, რადგან ბუკინგემის უნივერსიტეტთან პარტნიორობის შედეგად, ჩვენთან გავლილი პირველი კურსი მათთვის Foundation- ს უტოლდება.
სტუდენტს აქვს მეოთხე ალტერნატივაც – ბუკინგემში დამამთავრებელ წელს გაემგზავროს.
თუმცა რომელი ვარიანტიც არ უნდა აირჩიოს, ყველა შემთხვევაში მიიღებს როგორც BUG – ის დიპლომს, ისე საერთაშორისო აღიარების ბუკინგემის დიპლომს.
დეტალური ინფორმაცია იხილეთ :
https://britishuni.edu.ge/ka/ba-business-and-management/